Ostal Joan Bodon

Cars tots e totas, membres de l'associacion e amics de l'Ostal Bodon,

Vaquí 2021 que s'avalís darrièr nosautres, visca 2022 !

Coma sabètz, l'an passat foguèt pesuc de plan tristes eveniments, que la partença de Ròbert n'es, solide, lo tot primièr... L'Ostal contunharà de s'inspirar d'aqueste grand personatge de la vida occitana que l'imaginèt, lo pensèt e li farguèt, coma president, lo vam necessari e lo morre qu'auriá tan convengut al nòstre Joan Bodon. A nòstras obligacions, d'ara endavant, s'i vendrà apondre una novèla: la fiselitat a l'esperit que Ròbert li saupèt balhar.

Aurem tanben fòrça pensadas per Denis e Renat, dos braves amics de l'Ostal, que tanben partiguèron aquesta annada.

2021 nos obliguèt, coma forcèt un fum d'autras estructuras culturalas, de soscar diferentament nòstras activitats e nòstra programacion. Solide que la crisa es pas encara passada, e que nos caldrà, encara aquesta annada, caminar dins las dralhas que voldrà ben nos impausar. Mas fin finala nos sèm pas trop mal sortits, fins ara, de totas aquelas empachas (sovenètz-vos de la venguda enòrma de Nadau, de la serada dels cent ans, de l'omenatge al Ròbert... tantas capitadas polidas ! e maitas !), e i a pas gaire de rasons que contunhem pas aital.

Alara de vam, d'esper, de fisança e de plaser !

Nos caldrà, pr'aquò, menar una soscadissa sus çò que volem manténer o, se ne vira, daissar un moment o modificar e, especialament, lo festenal d'octobre. Solide que foguèt, e que demòra saique, una idèia de las bonas, emai plan en conformitat amb l'esperit e l'òbra de Bodon, de presentar un festenal del conte. Mas devèm far lo constat, emai nos còste, que la causa pren pas pron, e que l'edicion 2021 foguèt decebenta. Benlèu un autre moment de l'annada ? O una fòrma diferenta ? Deja quauquas idèias de programacion son sortidas del capèl, que poirián plan polidament enjolivar l'annada. Mas la vertat es que nos devèm pas amagar las causas, e ne deurem parlar quand nos veirem per nòstra Amassada.

Dins aqueste encastre, caldrà pas doblidar, ça que la, que 2022 marca lo setanten aniversari dels Contes de Viaur. Quicòm, benlèu, a perpensar pel festenal biaissut ? Tota proposicion serà planvenguda ! Ne parlarem lèu.

Encara un còp, vos desiri una plan bona annada 2022 e vos convidi a nos vèire tre que possible, e al pus tard a nòstra  amassada generala, que se deuriá  téner dissabte, lo 19 de febrièr de 2022, a 10 oras a la sala de las fèstas de Crespinh.

A plan lèu, amics e amigas !

De còr e d'òc, coma disiá Ròbert,

Lo President,

Jiròni

Dissabte 19 e dimenge 20 de setembre a l'Ostal Joan Bodon  15oras30
conferencia de Jérôme Vialaret "L' Istòria dins l'obra de Joan Bodon"

Dissabte 19, 14oras e dimenge 20, 10 oras e 14 oras, visita de l'Ostal Joan Bodon

Dimècres 15 de julhet : lo filme  Farrebique ,lo cap d'òbra  de Georges Rouquier  sus la tela bèla

Dijòus 23 de julhet :  concèrt Arnaud Cance  cant, guitarras, percussions, loop station . 

Cantaire d'en çò nòstre,  Arnaud canta de cansons del repertòri tradicional occitan e de compausicions en francés et langue d'oc

Dimècres 29 de julhet : Qual sap canta Bodon Francis Alet e Christian sépulcre: cant, Jean-Claude Blanc: acordeon cromatic.

 Tres colègas cantan Bodon. Tèxtes: Joan Bodon, musicas: Francis Alet

 

Dimècres 5 d'agost : Jan dau Melhau canta Brassens  Jan dau Melhau : cant, Frédéric Chabalier e Marianne Tixeuil : guitarras.

Tèxtes de Georges Brassens revirats en occitan lemosin per Jan dau Melhau. Musicas de Georges Brassens.

Dimècres 12 d'agost :  concèrt Rosalina Cortial

Rosalina Cortial, mezzo-soprano, acompanhada per Max Bruel, acordeon cromatic e Marie-Lise Romefort, violonçèl

Rosalina Cortial canta los poèmas de Joan Bodon, extrachs de « Sul la mar de las galèras » ,  de Robert Marti, Loisa Paulin, Sèrgi Carles e des compausicions de Joan-Lois Cortial.

Divendres 18 d'octobre,  20oras30, sala de las festas, Crespinh

"Un bon filh", lectura teatralizada de las letras d'un pelut Lois Bonfilh, per J-Lois Blenet,

Lo felibre Lois Bonfilh, dich "Filhon" se'n va  a la guèrra lo 14 d'agost 1914. Amb son amic escrivan, Pèire Azema, s'escrivon. Capitan  d'escapar a la cençura militaria en mandant las letras en defòra del servici postal de l'armada.

Es lo testimòni unenc d'un pelut de la guèrra prumièira en occitan, " un document supèrbe..."!

adaptacion: Joan-Lois Blenet
mesa en scèna: Bernadette Boucher
illustracions: Camille Dorman
musica: Sergio Perera
jòc: Joan-Lois Blenet

Dissabte 19 d'octobre, 20oras30, Ostal Joan Bodon, Crespin

"Contes romaneses" reculhits e contats per Estelle Cantala

Un viatge amb Estelle Cantala, poëtessa, musiciana, contaira, acompanhaira  de passejada, en Romania (nòrd oèst), Un païs maravilhos ont drac, cervi d'aur,  fadas e autres personatges de contes se costejan.

Dimenge 20 d'octobre, 15oras, sala de las festas, Crespinh

"L'occitania pels nullasses" (a comptar de 7 ans) per florant Mercadier

Lo saviatz  vosautres que los trobadors avian inventats lo "rap"? Que l'autor del "Se canta" èra un fòl? Amb sa musica, son esperit, Florant Mercadier nos conta l'istòria de l'Occitania ! la pichona e la bèla!

Ostal Joan Bodon Lo carrierat 12800 Crespinh   05 65 42 16 53 ojb12@laposte.net

21 e 22 de setembre 2019, Ostal Joan Bodon, Crespinh

Visitas acompanhadas de l'Ostal Joan Bodon : dissabte a 14h, dimenge a 10h e a 14h

Conferéncia de Jérôme Vialaret sus Joan Francés de la Peirosa (Jean-François Galaup, comte de La Pérouse) : dissabte e dimenge a 15h30.
Nascut d'un paire albigés e d'una maire segalina de Sauvatèrra, La Peirosa es, mai de dos sègles aprèp son exploracion del Pacific, un dels franceses - e occitan - los mai coneguts de pel monde. Aprèp aver participat als grands conflictes de son epòca (guèrra de Sèt Ans, guèrra d'independéncia dels Estats-Units...), lo rei Loïs XVI li fisarà l'expedicion bèla que lo rendrà celèbre e ont se perdrà la vida.

Tota la dimenjada, mòstra "Los noms del patrimòni" de l'Institut Occitan d'Avairon.

PAF liura mas necessària

Pel quatrèm còp, lo Festenal biaissut serà BIAISSUT!

Al programa:

3 oras: passejada contada, cantada e "colorada" per descobrir lo val del "Lieux"

6 oras e mai:  aperitiu puèi lo repais tot en cantant amb la participacion de cantaires de LKP (La Chorale Paysanne) e del triò Christian- Flavien-Sacha

9 oras a mièja nuèch :bal trad amb los grops
- Aiga de Març, duo de violons que jogan lo repertòri  d'Auvenha e del Limosin. François Labro et Thierry Heitz
- Dirty cap's, 3 joves musicians : un Landés, un Bigordan, un Carcinòl. Victor Dreyfus al violon, Clément rousse a l'accordeon diatonic, tamborin a còrdas e faütas a 3 traucs e Mickaël Vidal cant e clarineta.

Naucèla-Gara, restaurant lo Flambadou

 

Diluns, 3 de decembre 2018, 18 h 30

Conferéncia d'Estel Llansana

Sovent, òm ausís dire que lo catalan e l'occitan son de lengas sòrres. Encara mai qu'o pòdon èsser lo portugués e l'espanhòl, lo romanés, l'italian, lo francés que son totas de lengas romanas...

Mas, lo catalan e l'occitan serián de lengas bessonas ? o doas formas dialectalas d'una meteissa lenga ?

S'agiriá d'una meteissa lenga dins lo passat, que se seriá despartida, e dins aquel cas a quin moment ?

Quals son los ligams que las unisson e de qué las separan ?

Son aquestas questions e mai d'autras que sorgisson quand òm ensaja de definir los ligams entre las lengas, e tanben çò qu'es una lenga, un dialècte, una varianta...

Sens pretendre a l'exaustivitat ni se plaçar d'un punt de vista tròp lingüistic, l'animatritz del Centre Cultural Occitan d'Albigés, la catalana Estel Llansana nos presentarà una ulhada de la lenga e de la cultura catalanas e de lors ligams amb l'occitan. Serà question de las originas comunas, dels territòris e de lor politica lingüistica, de las variantas, de las tradicions partejadas o non... E plan segur, i aurà un temps per las questions de cadun.

Conferencia a gratis. Repais a reservar al 05 65 72 09 20

 

Serada organisada per « A Naucelle on raconte » e l'Ostal Joan-Bodon

Los Amics de l'Ostal Bodon vos convidan al 3em festenal Contes e Racontes en Segalar los divendres 19, dissabte 20 e dimenge 21 d'octobre a Crespinh.
Pendent 3 jorns, venetz partejar lo plaser dels mots, risolièrs, colorats o d'amor, en francés, en francés mesclat d'oocitan, en occitan

CRESPINH – JORNADAS DEL PATRIMÒNI

Disasbte 15, a 15h30 e dimenge 16  de setembre 2018 a 15h30

La Légende noire du 15^e corps de Provence pendant la Première guerre mondiale – conférences de Jérôme Vialaret

Le 24 août 1914, le journal Le Matin publie un article intitulé « La vérité sur l'affaire du 21 août – Le recul en Lorraine ». On peut y lire : Un incident déplorable s'est produit. Une division du 15^e corps, composée des contingents d'Antibes, de Toulon, de Marseille et d'Aix, a lâché pied devant l'ennemi. Les conséquences ont été celles que les communiqués officiels ont fait connaître. Toute l'avance que nous avions prise… a été perdue ; tout le fruit d'une habile combinaison stratégique longuement préparée, dont les débuts heureux permettaient les plus brillants avantages, a été momentanément compromis. Malgré les efforts des autres corps d'armée, qui participaient à l'opération, et dont la tenue a été irréprochable, cette  défaillance d'une partie du 15^e corps a entraîné la retraite sur toute la ligne…

Surprises sans doute par les effets terrifiants de la bataille, les troupes de l'aimable Provence ont été prises d'un subit affolement. L'aveu public de leur impardonnable faiblesse s'ajoutera à la rigueur des châtiments militaires. Les soldats du Midi, qui ont tant de qualités guerrières, tiendront à honneur d'effacer, et cela dès demain, l'affront qui vient d'être fait par certains des leurs à la valeur française ».

Cet article signé par un Saint-cyrien, sénateur de la Seine, en réalité piloté par le ministre de la Guerre et l'état-major dont la stratégie de la « guerre à outrance » avait été mise en échec et qui cherchait probablement un bouc-émissaire, aura des conséquences cruelles pour les soldats du 15^e. Il aura un très fort retentissement sur les mentalités, malgré les mises au point et les réhabilitations postérieures.

Jérôme Vialaret resituera les faits dans le contexte militaire du début de la guerre, mais aussi de l'histoire des mentalités de la fin du XIXe et du début du XXe siècle.

Dissabte 4 d'agost - Ostal Joan Bodon (sala de las fèstas en cas de missant temps)

16h30 : Vache de tango
Espectacle de teatre-dança amb dos comedians-dançaires e païsans, e una vaca vertadièra de Salèrs, Margot, acompanhats del violoncellista Marc Lauras .
Sus scèna, un comedian dançaire, Philippe Ségéric que es tanben païsan dins Cantal, e una vaca. Aquel espectacle es enriquesit de la participacion de Lore (Laure Douziech), dançaira performaira, e artista païsana .

18h30 : Duo Lafitte / Jurié

Jean-Pierre Lafitte fabrica sos pròpris instruments en canavèra e bufa per acompanhar Renat Jurié. Dins un repertòri collectat a cò dels ancians d'Avairon, de Tarn, d'Arièja e dels environs de Tolosa.

19h : Aperitiu e repais animat per Zinga-Zanga
Lo repertòri de Zinga-Zanga es especific a la bodega e als divèrses autbòis del grop. Interprèta melodias tradicionalas, mai precisament de Tarn, d'Arièje, del carnaval de Lim ós, de Seta…

21h : concèrt-bal

Duo P.A.T.O.I.S o Pichòta Associacion de Tradicion Occitana e d'Intuicions Sonòras
Un duò novèl, constituit de dos cantairas del grop femenin « La Mal coiffée », Karine Berny : cant, bombo, trompeta, granas e Laetitia Dutech : cant, bendir, tamborin, tom bassa, caissa clara.

Laüsa
Laüsa es l'encontre entre lo duò accordeon-violon « La Forcelle » de Lolita Delmonteil Ayral e Camille Raibaud, plan coneguts dins lo mitan dels bals folk, la cantaira Juliette Minvielle, e lo jogaire de bozoki Julien Estèves.

PAF : 10 € / joves, estudiants : 5 € / enfants : a gratis

su plement repais : 10 € / joves, enfants : 7 €

Dimenge 5 d'agost - Val del Lius

de 15h a 18 h : balada contada , per un collectiu de contaires, musicaires, cantaires, animators del patrimòni.

Rendètz-vos a 15h a l' Ostal per la partença d'una randonada accessibla a totes, amb de bonas cauçaduras, dins la valada del Lius. Aquesta annada, la metèm sul tèma dels destins crosats de dos escrivans dels bèls, Honoré de Balzac e sa comèdia umana, Joan Bodon e sos « Contes dels Balssàs».

PAF : 5 € / joves e enfants : a gratis

Desplegant a descargar çai-dej ós !

En esperant lo festenal Biaissut, rendètz-vos lo d issabte 7 de julhet a 21 oras  a la sala de las fèstas de Crespinh per las primièras rescontras teatralas de l'Ostal Bodon.

Divendres, 20 d'octobre, 20h30

4 seradas contes a Cabanès, Lescura Jaol e Crespinh

L'integralitat de l'òbra romanesca de

Joan Bodon

legida en public e en francés

dins l'òrdre cronologic de publicacion

per Jérôme Vialaret, president de l'Ostal Joan Bodon

a l'Ostal Joan Bodon

a Crespinh (Avairon)

dimenge 31 de julhet :

La Santa-Estela del Centenari

dimenge 14 d'agost : Lo Libre dels Grands Jorns

dimenge 21 d'agost : Lo Libre de Catòia

dimenge 4 de setembre : La Quimèra (1èra partida)

dimenge 11 de setembre : La Quimèra (2nda partida)

tre 14 h 30

Cadun arriba quand o vòl e pren la lectura librament en cors... e se'n va quand o vòl atanben !

Cada sesilha comença per una presentacion somària del libre

En cas de marrit temps, las lecturas se fan en interior.

Divendres 7 d'agost 2015 : 

Divendres 10 de julhet a l'Ostal Joan Bodon de Crespinh a partir de 18h30.