L'Ostal Joan Bodon a nisat al bèl còr del Segalar roergàs, dins las parets de la bòria mairala. Lo seu pretzfach es de promòure una de las obras literàrias majas del sègle XX, que duèi encara demòra tròp desconeguda del grand public. L'ostal de l'escriveire es estat radobat de cap a fons de mercé una còla d'artistes bailejada pel plastician Bernat Cauhapè. Li traparetz pas de papièrs personals, de burèu devociosament servat o de lièch dels lençòls encara tebeses ! La vistalha siaguèt concebuda al contra coma una passejada dins l'òbra, una mesa en scena grandor natura e radicalament moderna, a l'imatge de l'òme. Cada pèça de l'ostal dona a veire e a ausir, pel biais d'una scenografia mesclant creacion contemporanèa e musica electrò-acostica, un tròç del mond romanesc o poëtic de Joan Bodon. Un univèrs claufit d'oralitat e de referéncias autobiograficas, quora esmovent, quora fantastic o risolièr, que sauprà encantar e fa soscar totes los publics...

L'Ostal Joan Bodon es en mai d'aquò accessible a las personas endecadas.

Oraris de dobertura

  • del 1er d'abrial al 30 de setembre : dimècres, divendres, dimenge e jorns feriats de 14 oras a 18 oras
  • totes los autres jorns de l'annada sus reservacion (pels grops d'al mens 10 personas)

Prètz

Plen tarifa : 6 €
Tarifa redusit : 4.50 € pels grops, estudiants, caumaires e dròlles de mens de 12 ans